ថ្នាក់ដឹកនាំក្រុម Valencia បានប្រជុំជាមួយប្រធានក្រុម ហើយក៏បានសម្រេចការយល់ព្រមក្នុងការកាត់ប្រាក់ឈ្នួល១៨% ដើម្បីជួយក្លឹបអំឡុងពេលមេរោគ Covid-19 នេះ។ក្រុម Valencia មានកីឡាករឆ្លងមេរោគ Covid-19 ច្រើននាក់ដែរ ក្រោយពីពួកគេធ្វើដំណើរទៅប្រកួតនៅប្រទេសអ៊ីតាលី ក្នុងពានរង្វាន់ UEFA Champions League កន្លងទៅ។ តែបច្ចុប្បន្ននេះមានដំណឹងថាកីឡាករដែលមានមេរោគ បានធូរស្បើយអស់ហើយ និងរំពឹងថានឹងមានការប្រមូលផ្ដុំហ្វឹកហាត់ឆាប់ៗខាងមុខនេះ។
ជាមួយគ្នានេះដែរ ក្លឹបនេះក៏ដូចក្លឹបដទៃទៀតដែរ ពោលគឺកំពុងចរចាដើម្បីស្នើកីឡាករកាត់ប្រាក់ឈ្នួលខ្លះ។ បើតាមការប្រកាសរបស់ក្លឹបនៅថ្ងៃនេះ ក្រុមកីឡាករ Valencia ទាំងអស់នឹងកាត់ប្រាក់ឈ្នួល១៨% ដើម្បីជាការចូលរួមជួយដល់ក្លឹបអំឡុងពេលគ្មានការប្រកួត មិនមានចំណូល៕
ប្រភព៖ Marca
