ក្រុម Everton កំពុងចាប់អារម្មណ៍លើខ្សែប្រយុទ្ធ Andrea Belotti របស់ក្រុម Torino ដោយរំពឹងថាអាចនឹងយកបាននៅពេលខាងមុខនេះ។Carlo Ancelotti អ្នកចាត់ការក្រុម Everton ពេញចិត្តខ្សែប្រយុទ្ធ Belotti ខាងលើខ្លាំងណាស់។ Carlo ចង់បានរូបគេតាំងពីនៅដឹកនាំក្រុម Bayern Munich មកម្ល៉េះ ប៉ុន្តែគ្រានោះ Torino មិនព្រមលក់ចេញ និងទារតម្លៃខ្លួនខ្ពស់មែនទែន។ តែសម្រាប់រដូវកាលនេះវិញ ក្រោយពីមានបញ្ហាមេរោគ Covid-19 ដែលធ្វើឱ្យក្លឹបនៅអ៊ីតាលីរងផលប៉ះពាល់សេដ្ឋកិច្ចខ្លាំងនោះ ក្រុម Everton សង្ឃឹមថាក្រុម Torino អាចនឹងព្រមលក់ហើយ។
កីឡាករជម្រើសជាតិអ៊ីតាលីខាងលើនេះ រកបាន១៥គ្រាប់ក្នុងការបង្ហាញខ្លួន៣១ប្រកួតនារដូវកាលនេះ។ មិនត្រឹមតែ Everton មួយទេ ដែលចង់បានខ្សែប្រយុទ្ធវ័យ២៦ឆ្នាំខាងលើ ដោយ Man Utd ក៏មើលឃើញពីសមត្ថភាពរបស់គេផងដែរ៕
ប្រភព៖ DailyMail