អតីតវីរបុរសនៅអ៊ីតាលីគឺលោក Francesco Totti និង Fabio Cannavaro បាននិយាយថាអ្នកចាំទី Gianluigi Buffon ចង់ចាយពេលលេងរយៈពេលច្រើនឆ្នាំទៅមុខទៀត ហើយមិនងាយនឹងបញ្ឈប់ទេ ប្រសិនគ្មានអ្នកព្យាយាមបញ្ឈប់។
Buffon បច្ចុប្បន្នមានវ័យ ៤២ ឆ្នាំ ដែលល្ហិចល្ហៀងនឹងបន្តឈរជើងនៅ Juve ដល់ឆ្នាំ ២០២១ តែអតីតប្រធានក្លឹប Roma លោក Totti បាននិយាយ៖ “ខ្ញុំប្រាប់អ្នកចុះ Buffon គេចង់លេងដល់គេមានអាយុ ៥០ ឆ្នាំឯណោះ”។
ចំណែកឯ Cannavaro បានបន្ថែម៖ “ជាការពិតហើយ គាត់មិនចង់ឈប់ទេ តែពួកគេ [ក្លឹប] នឹងធ្វើឲ្យគាត់ឈប់ដោយឯងៗ ដែលនេះវាជារឿងមួយផ្សេងទៀត”។
បញ្ជាក់ថារបាយការណ៍កាលពីសប្តាហ៍មុន ធ្លាប់បានចុះផ្សាយ Buffon នឹងបន្តកុងត្រាដល់ឆ្នាំក្រោយខែមិថុនា ជាមួយនឹង Juve ពោលគឺនឹងផុតនៅពេលលោកមានអាយុ ៤៣ ឆ្នាំ ប៉ុន្តែការបន្តទៅទីណាទៀតនោះ នៅមិនច្បាស់ឡើយ៕
ប្រភព៖ AF
