ខ្សែប្រយុទ្ធក្លឹបតោខៀវ Chelsea គឺកីឡាករ Olivier Giroud ត្រូវបានគេរាយការណ៍ថានឹងព្រមកាត់ថ្លៃពលកម្មឲ្យទាបជាងមុន ឲ្យតែបានចាកចេញពី Chelsea ហើយផ្លាស់ទៅចូលរួមនៅក្លឹបថ្មី Inter Milan នារដូវក្តៅខាងមុខ។
បុរសវ័យ ៣៣ ឆ្នាំ ដែលខកខានបង្ហាញខ្លួនលើទីលានជាច្រើនប្រកួត ក្រោមការដឹកនាំរបស់អ្នកចាត់ការវ័យក្មេងលោក Frank Lampard បានល្ហិចល្ហៀងថាចង់ចាកចេញច្រើនលើកច្រើនសារមកហើយ។
តាមប្រភពពី GdS បានចុះផ្សាយថាកីឡាករសញ្ជាតិបារាំង ដែលកំពុងទទួលបានថ្លៃពលកម្ម ១៣៥ ០០០ ផោន/សប្តាហ៍នៅ Stamford Bridge នឹងសុខចិត្តចុះមកត្រឹម ១១០ ០០០ ផោន/សប្តាហ៍នៅ San Siro ឲ្យតែមានការផ្លាស់ចេញ។
ប្រភពដដែលបន្ថែមថាវានឹងក្លាយជាមន្ទិលសង្ស័យកាន់តែមិនច្បាស់លាស់ជុំវិញអនាគតរបស់ Lautaro Martinez ប្រសិនណា Giroud អាចមកចូលរួមនៅ Inter Milan ពិតមែននោះ៕
ប្រភព៖ Sportsmole