តាមរបាយការណ៍ពី Goal បានចុះផ្សាយថាប្រធានក្លឹប Fiorentina លោក Rocco Commisso បានបើកភ្លើងខៀវក្នុងការលក់ចេញកីឡាករ Federico Chiesa ហើយ ដែលនេះឆ្លើយតបទៅនឹងការចង់បានរបស់ក្លឹប Juventus និង Inter Milan។
ក្លឹបយក្សទាំងពីរ បានសម្លឹងខ្សែប្រយុទ្ធអ៊ីតាលីរូបនេះជាយូរណាស់មកហើយ ត្បិតបើបច្ចុប្បន្នរូបគេជាតួឯកសំខាន់មួយរូបរបស់ Fiorentina ក្តី ប៉ុន្តែក្លឹបក៏ព្រមនឹងលក់ចេញ ដើម្បីយកលុយចំណេញខ្លះដែរ។
Commisso ដែលជាប្រធានក្លឹបក៏មានកូនចិត្តចង់រក្សាទុកបុរសវ័យ ២២ ឆ្នាំរូបនេះដែរ ប៉ុន្តែលោកបានបញ្ជាក់ច្បាស់ថាក៏នឹងមិនទុកនោះទេ ប្រសិនមានសំណើត្រូវរ៉ូវជាមួយតម្លៃសមស្របដែលក្លឹបចង់បាន។ បញ្ជាក់ថាកុងត្រារបស់គេសេសសល់ដល់ឆ្នាំ ២០២២៕ ប្រភព៖ Goal