អ្នកចាំទី Andre Onana ដែលបច្ចុប្បន្នកំពុងបម្រើអាជីពឲ្យក្លឹប Ajax កាលពីអតីតកាលក៏ធ្លាប់ជាយុវជនថ្នាលនៅ Barcelona មួយរូបផងដែរ។
បច្ចុប្បន្នអ្នកចាំទីសញ្ជាតិកាមេរ៉ូនកំពុងរងចចាមអារ៉ាមថាអាចនឹងត្រលប់ទៅ Camp Nou វិញ ក្រោយពីបានជួយឲ្យ Ajax ជោគជ័យជាច្រើនរដូវកាលរួចមកហើយនោះ។
Onana បាននិយាយប្រាប់សារព័ត៌មាន Canal+ ថា៖ “វាពិបាកនឹងដឹងណាស់ [ពេលសួរនាំអំពីលទ្ធភាពត្រលប់ទៅ Camp Nou] ដោយ Barcelona ជាផ្ទះរបស់ខ្ញុំ ហើយបើខ្ញុំត្រូវត្រលប់ទៅវិញ នោះខ្ញុំនឹងត្រលប់”។
កីឡាករវ័យ ២៤ ឆ្នាំបន្ថែម៖ “ប៉ុន្តែក្រោយពេលក្លាយជាអ្នកចាំទីនៅ Ajax រឿងមួយនេះវាកាន់តែវែងឆ្ងាយ តែយើងនឹងបានឃើញពីអ្វីដែលកើតឡើងនាបញ្ចប់រដូវកាល”។
បញ្ជាក់ថាតាមរបាយការណ៍កន្លងមក គឺអ្នកមានបុណ្យចង់យក Onana ដើម្បីជំនួសតំណែងដៃទីពី Jasper Cillessen ដោយដាក់ Stegen នៅដៃទីមួយដដែល៕
ប្រភព៖ Football-Espana
