ក្លឹប Barcelona, Real Madrid និង Manchester City ត្រូវបានគេរាយការណ៍ថាកំពុងជាប់ចិត្តជាខ្លាំង ទៅលើខ្សែការពារ Milan Skriniar របស់ក្លឹប Inter ដោយចង់ចុះហត្ថលេខានាំយកនារដូវក្តៅខាងមុខ។ នេះបើតាមសារព័ត៌មាន II Giorno បានចុះផ្សាយ។
ខ្សែការពារកណ្តាលសញ្ជាតិស្លូវ៉ាគីរូបនេះ បានបង្ហាញទម្រង់លេងល្អជាខ្លាំង ដោយរាប់ចូលជាកីឡាករលេងតំណែងការពារដ៏កំពូលមួយរូបនៅ Serie A នាប៉ុន្មានឆ្នាំចុងក្រោយ។
ប្រភពបានសង្កត់ធ្ងន់ថា Inter នឹងព្រមបោះបង់បុរសវ័យ ២៥ ឆ្នាំទៅបាន លុះត្រាណាតែទទួលសំណើតម្លៃខ្លួន ៨០ លានអឺរ៉ូសិន។
រំឭកថានារដូវកាល ២០១៩/២០ Skriniar ចូលរួម ៣២ ប្រកួតសរុបឲ្យ Inter មានចំណែក Assist ១ គ្រាប់ និងជួយឲ្យក្លឹបឈរចំណាត់ថ្នាក់ទី ៣ នៅតារាង៕
ប្រភព៖ AF
