Paul Pogba បានបញ្ជាក់ថាកាលពីក្មេង រូបគេគឺជាអ្នកគាំទ្ររបស់ក្រុម Arsenal ដោយសារតែស្រលាញ់អតីតកីឡាករ Thierry Henry ។ខ្សែបម្រើខាងលើបានបញ្ជាក់ថារូបគេតាមដានក្រុមកាំភ្លើងធំណាស់ ដោយសារតែកាលពីក្មេង ក្លឹបនេះមានកីឡាករបារាំងច្រើន ជាពិសេសវត្តមានរបស់ Henry តែម្ដង។ តែក្រោយមក ដោយសារតែបងប្រុសរបស់ខ្លួន ទើបបានជា Pogba សម្រេចប្ដូរមកជ្រើសរើសយក Manchester United វិញនិងបានចូលហាត់ក្នុងថ្នាលយុវជនតែម្ដង។
Pogba បាននិយាយដូច្នេះថា៖ “និយាយដោយស្មោះ ពីដើមខ្ញុំគឺជាអ្នកគាំទ្ររបស់ Arsenal ព្រោះតែកីឡាករបារាំងទាំងអស់ដែលល្អៗនៅទីនោះ។ ខ្ញុំនិងប្អូនប្រុសរបស់ខ្ញុំម្នាក់ទៀត គឺជាអ្នកគាំទ្រ Arsenal ប៉ុន្តែបងប្រុសរបស់ខ្ញុំគាត់ជាអ្នកគាំទ្រ Man Utd ។ ដោយសារតែបងប្រុសម្នាក់នេះហើយ ទើបខ្ញុំសម្រេចមកគាំទ្រ Man Utd វិញ”៕
ប្រភព៖ DailyMail
