Sadio Mane មិនចាំបាច់ផ្លាស់ចេញពីហង្សក្រហម Liverpool ទៅចូលរួមនៅ Barcelona នោះឡើយ ហើយប្រសិនរូបគេផ្លាស់ប្តូរទៅ Camp Nou ពិតមែននោះ បុរសសញ្ជាតិសេណេហ្គាល់ប្រាកដជាយកឈ្នះ Lionel Messi ជាក់ជាមិនខាន។ នេះបើតាមការបញ្ជាក់របស់លោក John Aldridge។
អតីតវីរបុរសនៅហង្សបាននិយាយប្រាប់សារព័ត៌មាន Liverpool Echo ដូច្នោះថា៖ “រឿងរ៉ាវរបស់ខ្សែប្រយុទ្ធហង្សក្រហម Sadio Mane ត្រូវបានគេលើកយកមកជជែក ដោយមានមនុស្សជាច្រើននិយាយថាបើចង់ឈ្នះ Ballon d’Or គេត្រូវចាកចេញពី Anfield ហើយផ្លាស់ទៅចូលរួមនៅ Barcelona ឬ Real Madrid”។
លោកបន្ថែមថា៖ “នៅពេលចុងក្រោយនេះ ពានរង្វាន់ជាច្រើនរមែងធ្លាក់ទៅលើ Lionel Messi ឬ Cristiano Ronaldo ប៉ុន្តែពេលនេះ Liverpool គឺជាក្រុមដែលល្អជាង Barcelona ឬ Real បច្ចុប្បន្នទៅទៀត ហើយប្រសិនខ្សែប្រយុទ្ធហង្សគេផ្លាស់ទៅ Barcelona នោះគេប្រាកដជាល្អជាង Messi ទៀតផង”។
បញ្ជាក់ថា Mane បានផ្លាស់ចេញពី Southampton មកចូលរួមនៅហង្សនារដូវក្តៅ ឆ្នាំ ២០១៦ ដោយរកបាន ៧៧ គ្រាប់ក្នុង ១៦១ ប្រកួតសរុប ដែលកុងត្រាសេសសល់របស់គេត្រូវផុតនៅឆ្នាំ ២០២៣៕
ប្រភព៖ AF