ក្រុម Atletico Madrid បានបញ្ជាក់ថាពួកគេនឹងមិនប្រមូលផ្ដុំហ្វឹកហាត់វិញទេ រហូតដល់ច្បាប់ដាក់ប្រទេសអេស្ប៉ាញក្នុងគ្រាអាសន្ន ត្រូវដកចេញវិញសិន។ក្រុម AT Madrid បានឱ្យកីឡាករសម្រាកនៅផ្ទះរៀងៗខ្លួន និងហ្វឹកហាត់ដោយខ្លួនឯង។ ពួកគេមិនទាន់មានគម្រោងប្រមូលផ្ដុំវិញឡើយ បើទោះជាបច្ចុប្បន្នមេរោគឆ្លង Covid-19 នៅប្រទេសនេះហាក់ដូចជាធូរស្បើយបន្តិចហើយក៏ដោយ។
ប្រធានក្លឹបនេះ ក៏បានប្រកាសថាការប្រមូលផ្ដុំហ្វឹកហាត់នឹងមិនកើតមានទេ លុះត្រាតែអេស្ប៉ាញដកច្បាប់ដាក់ប្រទេសក្នុងគ្រាអាសន្នសិន ទើបឱ្យកីឡាករហ្វឹកហាត់វិញ។ក្រុម AT Madrid នេះ ក៏ជួបវិបត្តិខ្លាំងដែរ ដោយសារតែការផ្អាកប្រកួតដោយសារមេរោគ Covid-19 ។ ពួកគេបានកាត់ប្រាក់ឈ្នួលកីឡាកររហូតដល់៧០%ឯណោះ ដើម្បីទ្រទ្រង់ក្លឹបអំឡុងពេលគ្មានការប្រកួត គ្មានចំណូលនេះ៕
ប្រភព៖ Marca