ក្លឹប FC Barcelona បានប្រកាសលក់ខ្សែប្រយុទ្ធ Ousmane Dembele តាំងពីខែមករាដើមឆ្នាំមក ប៉ុន្តែលទ្ធផលគឺគ្មានក្លឹបណាមួយចង់បានរូបគេនោះទេ។កីឡាករវ័យ២២ឆ្នាំខាងលើនេះ ត្រូវបានក្រុម FC Barcelona ទិញពីក្រុម Dortmund មកកាលពីឆ្នាំ២០១៧កន្លងទៅ ដើម្បីជំនួសតំណែងរបស់ Neymar ក្នុងតម្លៃខ្លួន១៣៥លានផោន។ តែវត្តមានរបស់គេនៅក្រុមអ្នកមានបុណ្យមើលទៅមិនជោគជ័យនោះទេ ព្រោះដោយសារតែមានរបួសជាប់រហូតតែម្ដង និងបានឱកាសបង្ហាញសមត្ថភាពតិចមែនទែន។
កត្តានេះហើយបានជាក្រុម Barcelona បានដាក់រូបគេលក់។ ប្រភពនៅអេស្ប៉ាញ កីឡាករបារាំងរូបនេះត្រូវបានក្រុមដាក់លក់តាំងពីរដូវកាលមុនម្ល៉េះ ប៉ុន្តែមិនមានក្លឹបណាមួយចាប់អារម្មណ៍ឡើយ។ តម្លៃខ្លួនរបស់គេនៅសល់ត្រឹមតែជាង៥០លានផោនប៉ុណ្ណោះ តែក៏នៅមិនមានក្លឹបណាចង់បានទៀត។ គ្មានក្រុមចង់បាននេះ គឺដោយសារតែ Dembele របួសខ្លាំងពេក សឹងតែមិនមានពេលដើម្បីហ្វឹកហាត់ចូលជួយក្រុមទៅហើយ៕
ប្រភព៖ DailyMail
