Lucas Hernandez កីឡាករ Bayern Munich យល់ឃើញថានៅឆ្នាំនេះ ការប្រកួតពានរង្វាន់ UEFA Champion League ពិបាកក្នុងការលេងឱ្យចប់ចុងចប់ដើមណាស់។UEFA បានប្រកាសផ្អាកការប្រកួតពានរង្វាន់ UEFA Champions League និង Europa League ដោយសារតែផ្ទុះការរីករាលដាលនៃមេរោគ Covid-19 ។ ការផ្អាកនេះមិនទាន់រកឃើញថ្ងៃត្រលប់មកវិញនៅឡើយទេ ដោយសារតែប្រទេសទាំងអស់នៅអឺរ៉ុប កំពុងដោះស្រាយក៏ដូចជាដាក់ប្រទេសក្នុងគ្រាអាសន្ន មិនឱ្យមានការប្រមូលផ្ដុំអ្វីឡើយ។
ចំពោះស្ថានភាពបច្ចុប្បន្ននេះធ្វើឱ្យ Lucas មើលឃើញថាវាមិនអាចទៅរួចឡើយ ដែលថាការប្រកួតពានរង្វាន់ UEFA Champions League នឹងត្រលប់ទៅរកភាពល្អប្រសើរឡើងវិញនោះ។ រដូវកាលនេះ នឹងពិបាកក្នុងការបញ្ចប់ខ្លាំងណាស់។ គ្រប់គ្នាកំពុងរងទុក្ខដោយសារតែ Covid-19 ។ ដោយសូម្បីតែលីគតាមប្រទេសក៏ពិបាកក្នុងការស្វែងរកថ្ងៃដើម្បីបញ្ចប់ផងដែរ៕
ប្រភព៖ DailyMail