Jerome Rothen អតីតកីឡាករ PSG ម្នាក់បានបង្ហើបថា Mbappe សឹងតែសម្រេចការផ្ទេរទៅលេងនៅក្រុម Real Madrid ហើយ មុនផ្ទុះមេរោគ Covid-19 នេះ។ក្រុម Real Madrid តាមប្រមាញ់យក Mbappe នេះជាច្រើនលើកមកហើយតាំងពីរដូវកាលមុនម្ល៉េះ ប៉ុន្តែមិនអាចសម្រេចបានទេ ព្រោះក្រុម PSG មិនព្រមលក់ ហើយតម្លៃខ្លួនវិញរឹតតែថ្លៃខ្លាំងថែមទៀត។
ដោយឡែកនៅពេលនេះស្រាប់តែលោក Rothen បានបញ្ជាក់ថាមានប្រភពជិតស្និទ្ធបានប្រាប់លោកថា Mbappe លែងបន្ដកុងត្រាជាមួយក្រុម PSG ទៀតហើយ។កីឡាករវ័យ២១ឆ្នាំខាងលើនេះ រកបាន៩០គ្រាប់ និងបញ្ជូនបាល់ឱ្យមិត្តរួមក្រុមបាន៤៩គ្រាប់ទៀត ក្នុងការបង្ហាញខ្លួន១២០ប្រកួតឱ្យក្រុម PSG តាំងពីផ្លាស់ពីក្រុម Monaco មកក្នុងតម្លៃខ្លួន១៣០លានផោន៕