ក្រុមជម្រើសជាតិថៃនឹងមិនដកខ្លួនចេញពីពានរង្វាន់ AFF Suzuki Cup ឆ្នាំនេះឡើយហើយពួកគេនឹងបញ្ជូនក្រុមទៅចូលរួមប្រកួតដូចរាល់ដងអញ្ចឹង។ បញ្ហានេះត្រូវបានលោកខៀវ សាម៉េតប្រធានសហព័ន្ធកីឡាបាល់ទាត់អាស៊ានហៅកាត់ថា AFF ធ្វើការទាក់ទងទៅកាន់សមាគមបាល់ទាត់ថៃ (FAT) ។
លោកខៀវ សាម៉េតដែលកាន់សំណែងជាអនុប្រធានសហព័ន្ធកីឡាបាល់ទាត់កម្ពុជាបាននិយាយថា ៖ “ខ្ញុំបាននិយាយជាមួយ FAT ហើយបានបញ្ជាក់ថាពួកគេនឹងបញ្ជូនក្រុមទៅចូលរួមការប្រកួត AFF Suzuki Cup នៅឆ្នាំនេះ” ។
កន្លងមកសារព័ត៌មានថៃបានរាយការណ៍ថា ក្រុមជម្រើសជាតិរបស់ពួកគេប្រហែលជាមិនចូលរួមក្នុងព្រឹត្តិការណ៍ AFF Cup នៅឆ្នាំនេះទេ ដោយសារពួកគេមិនអាចប្រមូលកីឡាករឆ្នើម ៗ ក្រៅពីកាលវិភាគជាន់គ្នាជាមួយនឹងការប្រកួតជម្រុះ World Cup / Asia Cup ២០២៣ ។ កីឡាករដូចជា៖ Chanathip Songkrasin, Theerathon Bunmathan, Teerasil Dangda និង Kawin Thamsatchanan ទំនងមិននអាចចូលរួមជាមួយក្រុមជម្រើសជាតិថៃដោយសារក្លិបរបស់ពួកគេមិនអនុញ្ញាតិឲ្យដោយដសារតែមិនចំថ្ងៃ FIFA Day។
ទោះបីកីឡាករទាំង ៤ ខាងលើគ្មានវត្តមានក្នុងពានរង្វសាន់នេះឍក៏ដោយក៏ថៃនៅតែមានកីឡាករដែលមានគុណភាពច្រើនជាពិសេសកីឡាករវ័យក្មេង។ ក្នុងចំណោមកីឡាករវ័យក្មេងដែលក្រុមជម្រើសជាតិថៃមានស្រាប់ដូចជា៖ Supachok Sarachat, Supachai Jaided និង Ekanit Panya ៕