ក្រុម Atletico Madrid និង Sevilla កំពុងតាមមើលជើង Hector Bellerin របស់ក្រុម Arsenal ដើម្បីនាំយកទៅលេងនៅអេស្ប៉ាញនៅរដូវកាលខាងមុខនេះ។Bellerin ខ្សែការពារល្បឿនលឿនខាងលើនេះ នៅសល់កុងត្រានៅទឹកដី Emirate រហូតដល់៣ឆ្នាំទៀតឯណោះ ប៉ុន្តែបច្ចុប្បន្ននេះមានក្លឹបជាច្រើនចង់បានរូបគេទៅហើយ។ AT Madrid និង Sevilla កំពុងទាក់ទងលួងលោមកីឡាករវ័យ២៥ឆ្នាំនេះ ឱ្យត្រលប់ទៅលេងនៅលីគស្រុកកំណើតវិញ។
ខណៈ ដែលក្រុម Inter Milan របស់លោក Conte ក៏ចាប់អារម្មណ៍នាំយករូបគេដូចគ្នា។Bellerin បានចាកចេញពីក្រុម Barcelona ចូលរួមជាមួយ Arsenal កាលពីឆ្នាំ ២០១១កន្លងទៅ។ រូបគេបានបង្ហាញខ្លួន១៩៥ប្រកួតគ្រប់ការប្រកួតទាំងអស់ ដោយរកបាន៨គ្រាប់ និងបញ្ជូនបាល់ឱ្យមិត្តរួមក្រុមបាន២៥គ្រាប់៕
ប្រភព៖ DailyMail