Diomansy Kamara អតីតកីឡាករសេណេហ្គាល់បានបង្ហើបថា Mane ត្រូវតែចាកចេញពីក្រុម Liverpool ដើម្បីទៅលេងនៅក្លឹបដទៃទៀត ប្រសិនបើរូបគេចង់ឈ្នះពាន Ballon d’Or ។
កីឡាករវ័យ២៧ឆ្នាំរបស់ក្រុម Liverpool ខាងលើនេះ រដូវកាលបានមុនឈរនៅលេខរៀងទី៤ក្នុងតារាងកីឡាករ Ballon d’Or ។ ការទទួលបានចំណាត់ថ្នាក់លេខ៤នេះ គឺក្រោយពីរូបគេបានជួយក្រុមហង្សក្រហមឈ្នះពានរង្វាន់ UEFA Champions League និងបានលេខ២ក្នុងពានរង្វាន់ Premier League ។ គោលដៅរបស់ Mane គឺចង់មានឱកាសក្លាយជាកីឡាករសេណេហ្គាល់ដំបូងគេ មានឱកាសឈ្នះពានរង្វាន់ Ballon d’Or ។
គោលដៅនេះ ត្រូវបានលោក Diomansy Kamara ដែលជាអតីតកីឡាករធ្លាប់លេងនៅ Leicester City នោះ បានផ្ដល់យោបល់ថា៖ “ប្រសិនបើ Mane ចង់ឈ្នះពាននេះ ត្រូវចាកចេញពីក្រុម Liverpool ដែលជាកន្លែងមិនផ្ដល់គ្រប់យ៉ាង១០០%ឱ្យរូបគេ ដើម្បីឈ្នះពានរង្វាន់ផ្ទាល់ខ្លួននេះទេ។ រូបគេត្រូវរកក្លឹបថ្មី ដើម្បីឈ្នះពានរង្វាន់ឱ្យបានច្រើន ដល់កម្រិតមួយដែលអាចឈ្នះ Ballon d’Or បាន”៕ប្រភព៖ DailyMail
