ក្លឹប PSG របស់បារាំង កំពុងចរចាជាមួយកីឡាករ ដើម្បីកាត់ប្រាក់ឈ្នួល៥០% ដើម្បីទប់ទល់វិបត្តិហិរញ្ញវត្ថុ ដែលកើតមានឡើងអំឡុងពេល Covid-19 នេះ។
លីគបាល់ទាត់បារាំង និងក្លឹបបាល់ទាត់ទាំងអស់ កំពុងជួបបញ្ហាខ្លាំង ក្រោយពីមេរោគ Covid-19 វាយលុកប្រទេសនេះកាន់តែធ្ងន់ឡើង។ ក្លឹបទាំងអស់ នៅខែនេះមិនទទួលបានចំណូលពីការលក់សិទ្ធិផ្សាយនោះទេ ដែលធ្វើឱ្យចំណូលធ្លាក់ចុះខ្លាំង សឹងតែគ្មានតែម្ដង។ កត្តានេះហើយ ក្លឹបទាំងអស់មានតែបន្ថយការចំណាយ ហើយចរចាជាមួយកីឡាករដើម្បីឱ្យមានការកាត់ប្រាក់ឈ្នួលខ្លះ។
ក្រុម PSG ដែលមានកីឡាករល្បីៗច្រើន និងការចំណាយលើប្រាក់ឈ្នួលខ្ពស់នោះ ក៏បាននិយាយពីការកាត់ប្រាក់ឈ្នួលនេះដែរ។ ពួកគេបានចរចាដើម្បីបានកាត់ប្រាក់ឈ្នួលក្រុមកីឡាកររហូតដល់៥០%ឯណោះ។ ខណៈដែលបុគ្គលិកក្នុងក្លឹបដទៃទៀត ដែលមានតម្លៃពលកម្មទាបក៏កាត់ដែរ ប៉ុន្តែមើលតាមស្ថានភាពជាក់ស្ដែងថាត្រូវកាត់ប៉ុន្មាន%៕ប្រភព៖ DailyMail
