Arjen Robben បានបញ្ជាក់ថាប្រពន្ធរបស់ខ្លួនក៏បានឆ្លងមេរោគ Covid-19 ដែរ ហើយបច្ចុប្បន្ននេះបានធូរស្បើយច្រើនហើយ។
អតីតកីឡាករ Chelsea និង Bayern Munich ខាងលើនេះបានបញ្ជាក់ថាប្រពន្ធរបស់ខ្លួនបានឆ្លងមេរោគ Covid-19 តែបច្ចុប្បន្នបានធូរស្បើយនិងតេស្ដលែងមានមេរោគហើយ។ Robben បានរំលឹកកាលប្រពន្ធខ្លួនឆ្លងនិងសម្រាកនៅមន្ទីរពេទ្យថា នាងពិបាកដកដង្ហើមណាស់ ពេលមានមេរោគក្នុងខ្លួន។ តែដោយសារតែការខិតខំខ្លួនឯង និងទទួលបានការព្យាបាលពីគ្រូពេទ្យ ពេលនេះបានធូរស្បើយហើយ។
អតីតខ្សែប្រយុទ្ធឆ្នើមខាងលើនេះក៏បាននិយាយទៀតថាអ្នកដែលមានអារម្មណ៍មិនស្រួលខ្លួន ត្រូវទៅមន្ទីរពេទ្យដើម្បីពិនិត្យរកមេរោគ។ ប្រសិនបើរកឃើញថាឆ្លងភ្លាមៗ នោះឱកាសនៃការជាសះស្បើយនឹងមានច្រើនមិនខាន។ ត្រូវអនាម័យ និងហាត់ប្រាណជាប្រចាំ ដើម្បីទប់ស្កាត់និងយកឈ្នះលើមេរោគ Covid-19 ៕ប្រភព៖ DailyMail