វីរបុរសបាល់ទាត់ Ronaldinho បានចេញពីគុកវិញហើយ ក្រោយពីបង់ធានាខ្លួន១,៦លានដុល្លារ ប៉ុន្តែត្រូវនៅឃុំខ្លួនខាងក្រៅដដែលនៅសណ្ឋាគារលំដាប់ផ្កាយ៤មួយកន្លែង។Ronaldinho នេះត្រូវឃុំខ្លួនក្នុងគុកនាប្រទេសប៉ារ៉ាហ្គាយ ក្រោយពីរូបគេនិងបងប្រុសបានប្រើប្រាស់លិខិតឆ្លងដែនក្លែងក្លាយដើម្បីចូលប្រទេសនេះ។ សម្រាកនៅក្នុងគុកជាង១ខែមកនេះ រូបគេក៏ត្រូវបានដោះលែងវិញហើយ ក្រោយពីយកប្រាក់១,៦លានដុល្លារមកដាក់ធានាដើម្បីលួសខ្លួនឱ្យនៅក្រៅឃុំ។
តែរូបគេត្រូវនៅឃុំខ្លួនឯងខាងក្រៅបន្ដទៀតសិន ព្រោះសំណុំរឿងប្រើប្រាស់លិខិតឆ្លងដែននៅមិនទាន់ដោះស្រាយរួចរាល់នៅឡើយទេ។កន្លែងដែល២នាក់បងប្អូនខាងលើឃុំខ្លួននោះគឺក្នុងសណ្ឋាគារ Palmarogo ដែលមានទីតាំងក្នុងទីក្រុង Asuncion ប្រទេសប៉ារ៉ាហ្គាយ។ សណ្ឋាគារមួយនេះ គឺលំដាប់ផ្កាយ៤ មានអាងហែលទឹក និងកន្លែងហាត់ប្រាណជាដើម៕
ប្រភព៖ DailyMail