កីឡាករ Marco Reus ដែលបានរួមអាជីពជាមួយក្លឹប Borussia Dortmund តាំងពីឆ្នាំ ២០១២ បានពន្យល់ពីមូលហេតុដែលលោកមិនព្រមផ្លាស់ប្តូរទៅកាន់ក្លឹប Bayern Munich ត្បិតបើមានសំណើធ្លាប់ធ្លាក់មកក៏ដោយ។
ខ្សែប្រយុទ្ធរូបនេះ បាននិយាយប្រាប់ថា៖ “សំណើ [ពី Bayern] ក៏ធ្លាប់មានដូចក្លឹបដទៃអ៊ីចឹងដែរ ហើយខ្ញុំក៏មានការគោរពដល់ក្លឹប Bayern Munich ដូចគ្នា ពីអ្វីដែលក្លឹបនោះបានសម្រេចនូវរយៈពេលជាច្រើនទសវត្ស ប៉ុន្តែខ្ញុំផ្ទាល់តែងតែគិតថាចង់លេងឲ្យ BVB មួយគត់ ដោយនេះជាក្លឹបដក់ជាប់ក្នុងបេះដូងរបស់ខ្ញុំ”។
Reus បន្ថែម៖ “កាលខ្ញុំលេងនៅ Gladbach ដំបូង គឺវាច្បាស់លាស់ជាមួយខ្ញុំហើយ ថាបើនៅ Bundesliga បន្ត មានតែទៅលេងនៅ Dortmund ទេ មិនអ៊ីចឹងទេខ្ញុំនឹងទៅលេងនៅក្រៅស្រុក”។
បញ្ជាក់ថា Reus ធ្លាប់ជោគជ័យខ្លាំងនៅ Dortmund ជានិច្ចកាលរមែងជាប់ជម្រើសដំបូង ដោយសរុបនៅលីគបង្ហាញខ្លួនបាន ១៨២ ប្រកួត រកបាន ៩១ គ្រាប់ ពោលទើបតែរាងថយជើងនៅប៉ុន្មានឆ្នាំចុងក្រោយដែលមានយុវជនមកស្នងតំណែងនេះទេ៕ ប្រភព៖ Sportskeeda