កីឡាករ Filipe Luis បានបញ្ជាក់ថារូបគេមិនដែលសុំប្ដូរអាវជាមួយ Lionel Messi ទេ ព្រោះនៅលើទីលានគឺត្រូវការជ័យជម្នះរៀងខ្លួន។អំឡុងពេលប្រកបអាជីពនៅក្លឹប Deportivo និង Atletico Madrid ឬនៅជម្រើសជាតិប្រេស៊ីល ខ្សែការពារ Filipe Luis មិនដែលសុំប្ដូរអាវជាមួយកីឡាករល្បីឈ្មោះ Lionel Messi នោះទេ។ ការមិនដែលធ្វើបែបនេះត្រូវបាន សាមីខ្លួនបញ្ជាក់ថាដោយសារតែក្នុងចិត្តគិតពីលទ្ធផលចង់ឈ្នះការប្រកួត ជាជាងការចង់បានអាវរបស់កីឡាករល្បីមកទុក។
Filipe បាននិយាយបែបនេះទៀតថា៖ “ខ្ញុំតែងតែព្យាយាមធ្វើយ៉ាងណាដើម្បីបញ្ឈប់គាត់។ គាត់មិនដែលធ្វើឱ្យខ្ញុំតិះដៀលខ្ញុំទេ ខ្ញុំគោរពគាត់ខ្លាំងណាស់ក្នុងនាមជាកីឡាករបាល់ទាត់។ ប៉ុន្តែនៅលើទីលាន ខ្ញុំមិនដែលសុំប្ដូរអាវគាត់ឡើយ ព្រោះខ្ញុំដើរចូលទីលានដើម្បីឈ្នះការប្រកួតដើម្បីក្រុមរបស់ខ្ញុំ”៕
ប្រភព៖ Marca
