• Ronaldinho ​បាន​ចេញ​ពី​គុក​វិញ​ហើយ ​

    អតីត​កីឡាករ​ល្បី​ឈ្មោះ Ronaldinho ​បាន​ចេញ​ពី​គុក​នៅ​ប្រទេស​ប៉ារ៉ាហ្គាយ​វិញ​ហើយ ​ក្រោយ​ពី​បង់​ប្រាក់​ធានា​ឱ្យ​នៅ​ក្រៅ​ឃុំ​១,៦​លាន​ដុល្លារ​មក។Ronaldinho ​ខាង​លើ​បាន​ជាប់​គុក​នៅ​ប៉ារ៉ាហ្គាយ ​ក្រោយ​ពី​ប្រើ​ប្រាស់​លិខិត​ឆ្លង​ដែន​ក្លែងក្លាយ​ចូល​ប្រទេស​នេះ​។ ​ជាប់​ក្នុង​គុក​ប្រទេស​នេះ ​កីឡាករ​ប្រេស៊ីល​ខាង​លើ​ហាក់​ដូចជា​មិន​ពិបាក​ចិត្ត​អ្វី​នោះ​ទេ ពោល​គឺ​រូបគេ​អាច​លេង​បាល់ទាត់ ​និង​ទទួល​បាន​ការ​ស្វាគមន៍​យ៉ាង​​ច្រើន​ក្នុង​គុក​នេះ​។ ​

    តែ​ក្រោយ​ពី​ស្នាក់​នៅ​ប៉ុន្មាន​សប្ដាហ៍​មក ​រូបគេ​ពេល​នេះ​អាច​ចាកចេញ​ទៅ​ផ្ទះ​វិញ​បាន​ហើយ ​ក្រោយ​ពី​មាន​ប្រាក់​ធានា​ចំនួន ១,៦​លាន​ដុល្លារ។ ដោយ Ronaldinho ​៨០​ម៉ឺន​ដុល្លារ ​និង​ប្អូន​ប្រុស​របស់​លោក​៨០​ម៉ឺន​ដុល្លារ​ដែរ។កីឡាករ​បាល់ទាត់​កម្រិត​ពិភព​លោក​ខាង​លើ​នេះ ​មាន​បញ្ហា​ច្រើន​មែនទែន ​ក្រោយ​ពី​បញ្ចប់​អាជីព​បាល់ទាត់​របស់​ខ្លួន​មក។ ​រូបគេ ​ធ្លាប់​ប្រកាស​យក​ប្រពន្ធ ​និង​រឿង​អាស្រូវ​ជា​ច្រើន​ទៀត​ជាមួយ​រាជ​រដ្ឋាភិបាល​របស់​ប្រទេស​ប្រេស៊ីល៕

    ប្រភព៖ Marca

    ភ្ជាប់ទំនាក់ទំនងជាមួយ CTS SPORT