Wan-Bissaka ខ្សែការពារឆ្នើមម្នាក់របស់ក្រុមបិសាចក្រហម Manchester United បានបញ្ជាក់ថាខ្សែប្រយុទ្ធ Raheem Sterling របស់ក្រុម Man City គឺជាកីឡាករដែលពិបាកបិទបំផុត។Wan-Bissaka ជាកីឡាករចំណូលថ្មីរបស់ក្រុមលោក Ole ហើយក៏ធ្វើបានល្អខ្លាំងណាស់ដែរក្នុងតំណែងការពាររបស់ខ្លួន។ ១រដូវកាលដំបូងនេះ កីឡាករសញ្ជាតិអង់គ្លេសបានបង្ហើបថាមានកីឡាករម្នាក់ដែលខ្លួនពិបាកបិទបំផុត។ ម្នាក់នោះគឺ Sterling របស់ក្រុម Manchester City តែម្ដង។
កីឡាករវ័យ២២ឆ្នាំខាងលើបាននិយាយដូច្នេះថា៖ “ខ្ញុំគិតថា Sterling ជាកីឡាករដែលពិបាកបិទ ហើយខ្ញុំចូលចិត្តប្រកួតប្រជែងជាមួយគេបំផុត។ គាត់តែងតែប្រឹងប្រែងរុលទៅមុខ ហើយវាជាការប្រជែងដែលខ្ញុំចូលចិត្ត”។ យ៉ាងណាមិញ ការប៉ះគ្នាកន្លងមក រវាងកីឡាករទាំងពីរ គឺ Wan-Bissaka ហាក់ដូចជាធ្វើបានយ៉ាងល្អ ដោយបិទ Sterling មិនអាចធ្វើអ្វីបាននោះទេ៕
ប្រភព៖ DailyMail