ក្លឹប AC Milan ត្រូវបានគេរាយការណ៍ថាកំពុងជាប់ចិត្តជាមួយខ្សែបម្រើកាំភ្លើងធំគឺកីឡាករ Lucas Torreira ដោយមានបំណងចង់ថ្ពក់យកអតីតកីឡាករនៅ Sampdoria រូបនេះ ឲ្យបាននៅរដូវក្តៅខាងមុខ ក្រោយពីខកខានម្តងកាលពីឆ្នាំទៅ។
នារដូវកាល ២០១៩/២០ ខ្សែបម្រើ Torreira រកបាន ១ គ្រាប់និង Assist ១ លើកគត់ឲ្យក្លឹបនៅ ២៤ លើកនៃការបង្ហាញខ្លួនសរុប។ ប៉ុន្តែ AC នៅតែចាប់អារម្មណ៍ចង់បានបុរសវ័យ ២៤ ឆ្នាំ ហើយចង់ផ្តល់ជូនសំណើកុងត្រាសមរម្យមួយដល់រូបគេ។ នេះបើតាម CdS បានចុះផ្សាយ។
យ៉ាងណាមិញចំពោះតម្លៃខ្លួន តាមការកំណត់របស់កាំភ្លើងធំ ចំពោះក្លឹបណាដែលចង់បានកីឡាករអ៊ុយរុយហ្គាយខាងលើ គឺទាមទារតម្លៃខ្លួនជាចាំបាច់ប្រមាណ ៤០ លានអឺរ៉ូ។
ខណៈដែល AC ក៏ដុតដៃដុតជើងប្រមូលកញ្ចប់ថវិការបស់ខ្លួន តាមរយៈការគ្រោងលក់ Franck Kessie ឲ្យទៅ Wolves ឬ West Ham ដើម្បីជាចំណែកក្នុងការបង្រ្គប់លុយទិញ Torreira ផងដែរ៕ ប្រភព៖ Sportsmole