ក្រុម Borussia Dortmund កាន់តែកៀកជាមួយការនាំយកកីឡាករ Ferran Torres ពីក្រុម Valencia មករួមក្រុមហើយ ក្រោយពីតាមទាក់ទងជាច្រើនដងមកហើយ។ក្រុមនៅអាល្លឺម៉ង់ខាងលើនេះ មើលឃើញសមត្ថភាពរបស់ Torres ក្នុងការជំនួសតំណែងរបស់ Sancho បាន ប្រសិនបើកីឡាករអង់គ្លេសនេះត្រូវក្លឹបធំៗទិញយកទៅបាត់នៅពេលរដូវកាលដោះដូរកីឡាករខាងមុខ។ Torres នេះ ទើបវ័យ២០ឆ្នាំប៉ុណ្ណោះ តែរដូវកាលនេះបានបង្ហាញទម្រង់លេងល្អមែនទែន ទើបមានក្លឹបជាច្រើនចង់បានរូបគេ។
ក្រុម Dortmund ដែលគេសង្ឃឹមថានឹងបាន Torres នេះ នឹងត្រូវមានក្លឹបដទៃចូលខ្លួនប្រជែងផងដែរ។ ក្នុងនោះមានទាំង Liverpool , Manchester City, Manchester United, Juventus និង Ajax ជាដើម។ ក្រុមទាំងអស់នេះ ក៏ចង់បានកីឡាករខាងលើដែរ តែហាក់ដូចជាស្ថិតនៅក្រោមក្រុម Dortmund បន្តិច ព្រោះក្លឹបនៅអាល្លឺម៉ង់បានទាក់ទងរូបគេជាយូរមកហើយ៕
ប្រភព៖ DailyMail