ក្រុម Chelsea ចាប់ផ្ដើមរៀបចំ ដេញថ្លៃយកខ្សែបម្រើប្រយុទ្ធ Philippe Coutinho ពីក្រុម FC Barcelona ហើយ ក្រោយពីក្រុមអ្នកមានបុណ្យបានប្រកាសដាក់លក់។Coutinho ត្រូវបានក្រុម Barcelona ទិញយកពីក្រុម Liverpool ក្នុងតម្លៃខ្លួនដល់ទៅ១៤៥លានផោនឯណោះ។ តែពេលទៅដល់អេស្ប៉ាញ កីឡាករប្រេស៊ីលរូបនេះហាក់ដូចជាមិនសមប្រកបសោះ។ រូបគេត្រូវបានក្រុមអ្នកមានបុណ្យឱ្យអង្គុយកៅអីបម្រុង រហូតដល់ត្រូវក្រុម Bayern Munich ខ្ចីជើងទៅលេងនៅអាល្លឺម៉ង់ថែមទៀត។
ទៅលេងនៅ Bayern Munich រូបគេនៅតែមិនអាចបង្ហាញសមត្ថភាពលេងល្អដូចកាលនៅ Liverpool ដដែល ហើយចប់រដូវកាលនេះគឺដល់ពេលត្រលប់មកក្រុម Barcelona ។ មិនទាន់បានចូលកន្លែងវិញផង ស្រាប់តែក្រុមអ្នកមានបុណ្យបានប្រកាសទៅហើយថា នឹងដាក់លក់ Coutinho វិញ។ ក្នុងនោះ Chelsea បានបង្ហាញចំណាប់អារម្មណ៍លើរូបគេ ប៉ុន្តែមិនមែនហានដល់ខ្ពស់ខ្លាំងនោះទេ។ បច្ចុប្បន្នតម្លៃខ្លួនរបស់ Coutinho មានត្រឹមជាង៥០លានផោនប៉ុណ្ណោះ៕
ប្រភព៖ DailyMail