បើទោះបីជាខ្សែប្រយុទ្ធ Lingard ធ្វើមិនបានល្អមួយរយៈចុងក្រោយនេះក៏ដោយ ក៏ក្រុម Arsenal នៅតែពេញចិត្តសម្រាប់កីឡាករអង់គ្លេសនេះដដែល។ក្រុមកាំភ្លើងធំ ចង់បានខ្សែប្រយុទ្ធអង់គ្លេសខាងលើនេះខ្លាំង ដើម្បីជាបម្រុងសម្រាប់ជំនួស Dani Ceballos ។ ដោយលោក Arteta រំពឹងថាតម្លៃខ្លួនរបស់ Lingard នឹងមិនថ្លៃខ្លាំងនោះទេ ដែលវាអាចជាឱកាសល្អសម្រាប់ក្រុមលោកក្នុងការទិញយក។ ត្បិតអីក្រុម Man Utd បានបាត់បង់ទំនុកចិត្តលើខ្សែប្រយុទ្ធមាឌល្អិតនេះទៅហើយ ក្រោយពីខកខានរកគ្រាប់បាល់ជាយូរមកហើយ។
កីឡាករវ័យ២៧ឆ្នាំខាងលើនេះ ហាក់ដូចជាពិបាកខ្លាំងមែនទែននារដូវកាលនេះ ប៉ុន្តែកាលពីកន្លងទៅនេះ រូបគេជាអ្នករកគ្រាប់បាល់ជួយក្រុមនៅវគ្គផ្ដាច់ព្រ័ត្រ FA Cup 2016 និងពានរង្វាន់ Community Shield អីជាដើមដែរ។ រូបគេបានបាត់បង់ឱកាសលេងទាំងស្រុងតែម្ដង នៅពេល Bruno បានចូលរួមជាមួយក្រុមកាលពីខែមករាកន្លងទៅ៕
ប្រភព៖ DailyMail