តាមការយល់ឃើញរបស់ជើងចាស់លោក Rivaldo បាននិយាយចំៗថាការនាំយក Lautaro Martinez មកចូលរួមនៅ Camp Nou មិនជារឿងល្អប្រសើរជាងការនាំយក Neymar មករួមជើង Messi នោះទេ។
Rivaldo បានទទូចឲ្យ Barca គួរពិចារណាខិតខំយក Neymar ជាជាងកីឡាករអាហ្សង់ទីននៅទីផ្សារដោះដូរពេលខាងមុខ។ ប្រាប់ Betfair លោកនិយាយ៖ “ចចាមអារ៉ាមបានបន្តផ្ទុះឡើងដែលថា Barca មានបំណងក្នុងការចុះហត្ថលេខាយក Neymar និង Lautaro Martinez នៅទីផ្សារដោះដូរបន្ទាប់”។
លោកបន្ថែម៖ “ត្បិតបើកីឡាករអាហ្សង់ទីនវ័យក្មេងរូបនោះគេល្អក្តី តែខ្ញុំគិតថាមានតែ Neymar ម្នាក់គត់ដែលអាចប្រាកដប្រជាសក្តិសមជាប់ជម្រើសដំបូងលើទីលានជាមួយ Messi ដោយយើងមើលទៅប៉ុន្មានឆ្នាំកន្លងមកនេះ មានកីឡាករមានតម្លៃជាច្រើនដែលមិនអាចលេងចុះជាមួយ Messi តែ Neymar និង Suarez គឺជាចំណោមតែប៉ុន្មាននាក់គត់ដែលមិនរងសម្ពាធលើទីលានចំពោះរឿងនេះ”។
បញ្ជាក់ថា Neymar បានចាកចេញពី Barcelona នៅឆ្នាំ ២០១៧ ជាមួយតម្លៃខ្លួនបំបែកកំណត់ត្រា ២២២ លានអឺរ៉ូ ផ្លាស់ទៅ PSG។ តម្លៃខ្លួនបើធ្រៀបធៀបគ្នានៅពេលបច្ចុប្បន្ន Neymar ក៏នៅតែបន្តថ្លៃគ្រាន់ចុះជាងមុនបន្តិច មកសល់ក្បែរ ១៨០ លាន រីឯ Martinez ថ្លៃ ១១០ លានអឺរ៉ូ (តម្លៃផ្តាច់កុងត្រា) ដែល Inter មានបំណងចង់ទាមទារឲ្យបាន៕
ប្រភព៖ Sportskeeda