សហព័ន្ធកីឡាបាល់ទាត់ FIFA បានបញ្ជាឱ្យ Camera មែន កុំចាប់តែប្លង់ស្រីស្អាតច្រើនពេក ក្នុងការប្រកួត World Cup 2018 នេះ ដើម្បីបញ្ចៀសកុំឱ្យគេថារើសអើងផ្លូវភេទ។
លោក Federico Addiechi ប្រធានផ្នែកសង្គមរបស់ FIFA បានបញ្ជាក់ថាការចាប់ប្លង់តែកន្លែងមនុស្សស្រីស្អាតៗ អាចជាចំណែកមួយធ្វើឱ្យគេគិតថា FIFA យកតែស្រីស្អាត។ ដោយនេះ អាចចាត់ទុកថាជាការរើសអើងបាន ខណៈដែល FIFA ផ្ទាល់មិនដែលគិតដូច្នេះនោះឡើយ។ ដើម្បីបញ្ចៀសកុំឱ្យមានរឿងដូច្នេះកើតឡើង សហព័ន្ធសូមបញ្ជាក់ឱ្យអ្នកគ្រប់គ្រង Camera ក្នុងទីលានទាំងអស់ កុំចាប់ប្លង់យកកន្លែងស្រីស្អាតច្រើនពេក។
នេះមិនមែនជារឿងថ្មីទេ ដែលក្រុមការងាររបស់កន្លែងចាក់ផ្សាយតែងតែចាប់ប្លង់កន្លែងស្រីស្អាត។ មួយវិញទៀត ប្លង់នេះគេហៅថាប្លង់ Honey Shot សម្រាប់ជាការកម្សាន្តអារម្មណ៍របស់អ្នកទស្សនា៕ប្រភព៖ Ibtimes
