លោក Carlo Ancelotti ចង់បានកីឡាករ២នាក់របស់ក្រុម Real Madrid គឺ Gareth Bale និង James Rodriguez ដើម្បីចូលរួមជាមួយក្រុម Everton នៅរដូវកាលថ្មីខាងមុខ។
លោក Ancelotti ធ្លាប់ដឹកនាំកីឡាករទាំងពីរនាក់ខាងលើគ្រានៅក្រុម Real Madrid ជាមួយគ្នា។ នៅពេលនោះ ពួកគេទាំងពីរនាក់ធ្វើបានយ៉ាងល្អ ត្រូវចិត្តអ្នកចាត់ការសញ្ជាតិអ៊ីតាលីនេះណាស់ ដូច្នេះហើយទើបបានជាលោកចង់នាំមកលេងនៅ Everton ជាមួយគ្នា។ នេះមិនមែនជាលើកទី១ទេ ដែលលោកចង់បាន Bale និង James ដោយរដូវកាលដោះដូរកីឡាករនាខែមករាកន្លងទៅ ក៏ចង់បានដែរ។
ដោយឡែកនៅក្រុម Real Madrid វិញ Zidane ក៏មិនបានប្រើប្រាស់កីឡាករទាំងពីរខាងលើច្រើនដែរ នារដូវកាលនេះ។ លោកមានចិត្តចង់លក់ដែរ ប៉ុន្តែថ្នាក់ដឹកនាំក្លឹបចង់បានតម្លៃខ្លួនខ្ពស់ពេក ទើបបានជាពិបាកក្នុងការលក់ចេញកាលពីពេលកន្លងទៅ។ នៅរដូវក្ដៅខាងមុខនេះ ពេលទីផ្សារដោះដូរបើក គេរំពឹងថាខ្សែប្រយុទ្ធទាំងពីរ អាចស្វែងរកទ្រនំថ្មីបានហើយ៕ប្រភព៖ MARCA