ក្រុម FC Barcelona នឹងព្យាយាមលក់ខ្សែប្រយុទ្ធ Dembele ឱ្យបាននៅពេលខាងមុខនេះ ក្រោយពីរូបគេមានបញ្ហារបួសច្រើនខ្លាំងមែនទែន។
Dembele បានខកខានការប្រកួតរហូតដល់៦៣ប្រកួតទៅហើយ ចាប់តាំងពីផ្លាស់មកក្រុមអ្នកមានបុណ្យកាលពីឆ្នាំ២០១៧កន្លងទៅ ក្នុងតម្លៃខ្លួនជាង១០០លានផោន។ អវត្តមានរបស់គេនេះ គឺដោយសារតែបញ្ហារបួសញាំញីខ្លាំងមែនទែន។ កត្តានេះហើយ ទើបបានជាក្រុមអ្នកមានបុណ្យចង់បញ្ចេញកីឡាករបារាំងនេះហើយ ដើម្បីមានកន្លែងសម្រាប់កីឡាករថ្មីទៀត។
កីឡាករវ័យ២២ឆ្នាំនេះ លេងឱ្យក្រុម FC Barcelona បាន៧៤ប្រកួត រកបាន១៩គ្រាប់ និងបញ្ជូនបាល់បាន១៧ដង។ រូបគេត្រូវក្រុម Barca ទិញមកដើម្បីជំនួសតំណែងរបស់ Neymar ប៉ុន្តែលទ្ធផលមិនដួចការរំពឹងទុកនោះទេ៕ប្រភព៖ Dailymail