អ្នកចាត់ការនិងប្រធានក្រុមនៅ Premier League ទាំងអស់បានយល់ព្រមក្នុងការកាត់ប្រាក់ឈ្នូលរបស់ពួកគេរហូតដល់៣០%ដើម្បីចូលរួមជួយប្រយុទ្ធប្រឆាំងជាមួយមេរោគ Covid-19 ។
មេរោគឆ្លង Covid-19 កំពុងវាយប្រហារខ្លាំងនៅតំបន់អឺរ៉ុប ដែលធ្វើឱ្យការប្រកួតបាល់ទាត់ជាច្រើនត្រូវបានផ្អាកដំណើរការសិន។ ជាមួយគ្នានេះដែរ ដើម្បីចូលរួមជួយដល់ប្រទេស ដើម្បីទប់ស្កាត់ការឆ្លងមេរោគនេះ ក្របខណ្ឌ Premier League របស់អង់គ្លេស បានចេញវិធានការជាច្រើន។ ដោយក្នុងនោះ អ្នកចាត់ការតាមបណ្ដាក្លឹបទាំងអស់ និងប្រធានក្រុមក៏យល់ព្រមកាត់ប្រាក់ឈ្នួលរបស់ខ្លួន៣០% ផងដែរ។
ដោយចំនួន៣០%នេះ នឹងយកទៅចូលរួមក្នុងយុទ្ធនាការប្រយុទ្ធប្រឆាំងមេរោគ Covid-19 ដែលអង់គ្លេសកំពុងដុតដៃដុតជើងខ្លាំង។ បច្ចុប្បន្ននេះអង់គ្លេស មានអ្នកស្លាប់ជាង៣ពាន់នាក់ និងឆ្លងឡើងដល់ជិត៤ម៉ឺននាក់ហើយ៕ប្រភព Dailymail
