កីឡដ្ឋានធំៗនៅអង់គ្លេស អាចនឹងប្រើប្រាស់ជាកន្លែងសម្រាកដាក់ព្យាបាលអ្នកជំងឺ Covid-19 ក្រោយពីក្លឹបជាច្រើនរួមទាំង Chelsea និង Man Utd យល់ព្រមជាស្រេច ដើម្បីជួយស្ដារស្ថានភាពនេះ។
អង់គ្លេស ពេលនេះក៏មានករណីឆ្លងនិងស្លាប់ដោយសារតែមេរោគ Covid-19 ច្រើនខ្លាំងផងដែរ។ បើទោះជាវិធានការជាច្រើនបានដាក់ហើយក៏ដោយ ប៉ុន្តែករណីឆ្លងនិងស្លាប់បន្ដកើនឡើងយ៉ាងខ្លាំង ធ្វើឱ្យស្ថានភាពក្នុងប្រទេសកាន់តែអាក្រក់ឡើងពីមួយថ្ងៃទៅមួយថ្ងៃ។ ដោយក្នុងវិធានការទាំងអស់នោះ ក៏មានមួយដែលយកកីឡដ្ឋានធំៗច្នៃធ្វើជាកន្លែងដាក់អ្នកជំងឺផងដែរ។
វិធានការមួយនេះ ត្រូវបានក្លឹបជាច្រើនរួមទាំង Man Utd និង Chelsea បានយល់ព្រមហើយដែរ។ ត្បិតអីពេលនេះការប្រកួតក៏មិនទាន់មាន ហើយប្រសិនបើមិនអាចជួយស្រោចស្រង់ស្ថានភាពឱ្យបានឆាប់ទេ នោះឱកាសនៃការបានលេងវិញក៏យូរទៀតដែរ៕ប្រភព Dailymail