នោះ! Ivan Perisic ​អាច​នឹង​អវត្តមាន​ប្រកួត​ផ្ដាច់ព្រ័ត្រ ​ឱ្យ​ក្រូអាត

ខ្សែ​បម្រើ​ស្លាប Ivan Perisic ​របស់​ក្រុម​ជម្រើស​ជាតិ​ក្រូអាត​​អាច​នឹង​មិន​បាន​ចូល​លេង​នៅ​វគ្គ​ផ្ដាច់ព្រ័ត្រ​ប៉ះ​បារាំង​ឡើយ ​ដោយសារ​តែ​រង​របួស​ភ្លៅ​អំឡុង​ពេល​លេង​ទល់​ក្រុម​អង់គ្លេស។

Perisic ​កំពុង​សម្រាក​ព្យាបាល​នៅ​មន្ទីរពេទ្យ Moscow ​បន្ទាប់​ពី​ក្រុម​បាន​យក​ឈ្នះ​លើ​អង់គ្លេស។ របួស​សាច់​ដុំ​ភ្លៅ​នេះ ​ត្រូវ​បាន​គេ​ដឹង​ថា​អាច​នឹង​ធ្ងន់ធ្ងរ ​ហើយ​ពិបាក​ក្នុង​ការ​ចូល​លេង​នៅ​វគ្គ​ផ្ដាច់ព្រ័ត្រ​ថ្ងៃ​អាទិត្យ​ខាង​មុខ​នេះ​ណាស់។ ខណៈ​ដែល បច្ចុប្បន្ន​នេះ ​កីឡាករ​ក្រូអាត​ទាំង​អស់ ​ត្រូវ​ធ្វើ​សរសៃ​ច្រើន ​ដោយសារ​តែ​ពួកគេ​លេង​៣​ប្រកួត​ជាប់​គ្នា សុទ្ធ​តែ​១២០​នាទី​ទាំង​អស់។

លោក  Zlatko Dalic ​គ្រូ​បង្វឹក​ក្រូអាត បាន​បញ្ជាក់​ថា ​វា​ហាក់​ដូចជា​លឿន​ពេក​សម្រាប់​ក្រុម​របស់​លោក ​ក្នុង​ការ​ចូល​លេង​វគ្គ​ផ្ដាច់ព្រ័ត្រ។ ​កីឡាករ​ទាំង​អស់ ​បើ​ទោះ​ជា​មិន​ចង់​ហត់​នឿយ ក៏​ត្រូវ​តែ​ហត់​នឿយ ​និង​សរសៃ​ដើរ​មិន​ស្រួល​ដែរ ព្រោះ​ពួកគេ​លេង​៣​ប្រកួត​ជាប់​គ្នា សុទ្ធ​តែ​ប្រើ​ពេល​១២០​នាទី​ទាំង​អស់៕ប្រភព៖ DailyMail

 

 

ភ្ជាប់ទំនាក់ទំនងជាមួយ CTS SPORT
  • អត្ថបទថ្មី