បន្ទាប់ពីការតាមដាននិងដាក់ឲ្យនៅដាច់ដោយឡែកពីគេរយៈពេល ១៤ ថ្ងៃ លទ្ធផលធ្វើតេស្តជាលើកទី ២ សម្រាប់កីឡាករ Blaise Matuidi គឺបានរកឃើញថាមានផ្ទុកជំងឺកូវីដ១៩ ដដែល ពោលគឺសញ្ញានៃលទ្ធផលវិជ្ជមានបែបនេះ មានន័យថារូបគេនៅតែអាចចម្លងទៅកាន់អ្នកដទៃ។
តាមសារព័ត៌មាន AS បានឲ្យដឹងថាខ្សែបម្រើសញ្ជាតិបារាំងរូបនេះ ត្រូវបានគេកំណត់ដាក់ឲ្យនៅដាច់ដោយឡែករយៈពេល ១៤ ថ្ងៃបន្ថែមទៀត ហើយសឹមធ្វើតេស្តជាលើកទី ៣។
Matuidi គឺជាកីឡាករទីពីរ បន្ទាប់ពី Rugani ហើយក្រោយមកទើប Dybala ដែលសរុបមកនៅ Juventus មានកីឡាករ ៣ រូបមានផ្ទុកជំងឺផ្លូវដង្ហើមថ្មីដ៏កាចសាហាវមួយនេះ។ នៅអ៊ីតាលីគិតត្រឹមព្រឹកថ្ងៃទី ២ មេសា ឆ្នាំ ២០២០ មានអ្នកស្លាប់ចំនួន ១៣ ១៥៥ នាក់ហើយ៕
ប្រភព៖ BeSoccer
