អ្នកវាយក្នុងទ្រុងកំពូលរបស់រុស្ស៊ី Khabib Nurmagomedov នឹងមិនអាចចូលប្រកួតជាមួយ Tony Ferguson បានឡើយ ក្នុងការប្រកួត UFC 249 ដោយសារតែរូបគេមិនអាចចេញពីរុស្ស៊ីបាន។
ការប្រកួតដំបូងឡើយត្រូវធ្វើឡើងនៅថ្ងៃទី១៨ខែមេសាឆ្នាំ២០២០ខាងមុខនេះ នៅ Brooklyn ដោយ Khabib និង Tony ជាគូឯក។ តែដោយសារតែរុស្ស៊ីបានចេញបម្រាមមិនឱ្យប្រជាជនណាម្នាក់ធ្វើដំណើរចេញក្រៅប្រទេស ព្រោះតែមេរោគ Covid-19 ទើបបណ្ដាលឱ្យ Khabib មិនអាចចាកចេញទៅណាបានទេ ដូច្នេះហើយការប្រកួតទល់ Tony ក៏មិនអាចកើតឡើងបាន។
ជាមួយការមិនអាចមកប្រកួតបាននេះ ប្រភពបានបញ្ជាក់ថា UFC នឹងយក Justin Gaethje មកជំនួស Khabib ដើម្បីប្រកួតទល់ Tony ។ ហើយការរំសាយការប្រកួតរវាងកីឡាកររុស្ស៊ី និងអាមេរិកខាងលើនេះ គឺមានរហូតទៅដល់៥ដងមកហើយ។ ការប៉ះគ្នារវាងអ្នកទាំងពីរ គឺជាជំនួបដែលអ្នកគាំទ្រជាច្រើនទន្ទឹមរង់ចាំ៕ប្រភព Dailymail
