• បុគ្គលិកគ្រប់​ផ្នែករបស់​ក្លិបបឹង​កេត​ព្រមកាត់​ប្រាក់ខែ៥០ភាគរយជួយទ្រទ្រង់ក្លិបវិញ​អំឡុង​ Covid-19

    តាម​រយៈកិច្ចប្រជុំរួមមួយរវាងថ្នាក់ដឹកនាំគ្រប់ផ្នែក ក្រុមគ្រូបង្វឹក កីឡាករ បុគ្គលិក បានឯកភាព និង យល់ព្រម ក្នុងការកាត់ប្រាក់បៀវត្សរបស់ខ្លួនចំនួន ៥០% ដើម្បីរួមចំណែក ជួយទ្រទ្រង់ក្លិបក្នុងអំឡុងវិបត្តិ កូវីដ១៩ នេះ ។

    ដូចបានឃើញស្រាប់ បច្ចប្បន្តភាពនៃសេដ្ឋកិច្ចទូទាំងសកលលោកបន្ដដាំក្បាលចុះ គ្រប់សកម្មភាពរបរជំនួញផ្អាកសកម្មភាពស្ទើទាំងស្រុង ក្នុងនោះវិស័យកីឡាករដូចគ្នា មួយរយះចុងក្រោយនេះក្លិបនៅបណ្ដាប្រទេសផ្សេងៗបានដាក់ចេញផែនការបន្ដបន្ទាប់ដើម្បី ទប់ស្កាត់ការរីករាលដាល ការបន្ដនិរន្ដរភាពក្លិបក្នុងអំឡុងស្ថានភាពសេដ្ឋកិច្ចជាប់គាំងគ្មានកម្រើកនេះ។

    ដោយ​ឡែក! កាលវិភាគនៃការហ្វឹកហាត់ប្រចាំថ្ងៃ ត្រូវផ្អាកសកម្មភាពទាំងស្រុងចាប់ពីពេលនេះ ដោយត្រូវហ្វឹកហាត់តាមរយៈកម្មវិធីហ្វឹកហាត់ថ្មី ដោយឡែកពីគ្នា ពីគេហដ្ឋាន តាមកម្មវិធីដែលក្រុមគ្រូបង្វឹកបច្ចេកទេសបានដាក់ចេញ រហូតដល់ស្ថានការណ៍វិវឌ្ឍន៍មកភាពល្អប្រសើរឡើងវិញ។

    នេះ​មានន័យ​ថា​ក្លិបបឹង​កេត​ក្លាយ​ជា​ក្លិប​បាល់​ទាត់​អាជីព​នៅ​កម្ពុជាមុនគេ​ដែល​ធ្វើ​សកម្មភាពកាត់​ប្រាក់បៀវត្សបុគ្គលិក​និង​កីឡាករ​ខណៈ​ដែល ក្រុម​កងយោធិពលខេមរភូមិន្ទ(TIFFY ARMY FC) ​គឺ​ជា​ក្លិប​ដែល​មាន​គម្រោងថា​នឹង​កាត់​ផង​ដែរ ប៉ុន្តែ​មិន​ទាន់​មាន​ព័ត៌មាន​ផ្លូវ​ការ​ពី​ក្លិប​នៅ​ឡើយ៕

    ភ្ជាប់ទំនាក់ទំនងជាមួយ CTS SPORT