Virgil van Dijk ខ្សែការពារជួរក្រោយដ៏រឹងមាំរបស់ Liverpool ថ្មីៗនេះ បានឆ្លើយឆ្លងនូវសំណួរចាក់ដោតមួយចំនួនទៅកាន់អ្នកគាំទ្រលើបណ្តាញសង្គម Twitter។
ក្នុងចំណោមនោះ Van Dijk បានទទួលសំណួរមួយពីអ្នកគាំទ្រដែលសួរថាតើលោកគិតថាខ្សែការពាររូបណាដែលលំបាកបិទបំផុតនៅលើទីលានប្រកួត? ខ្សែការពារវ័យ ២៨ ឆ្នាំបានឆ្លើយ៖ “តាមពិតទៅមានខ្សែប្រយុទ្ធលំបាកៗសម្រាប់ខ្ញុំច្រើន តែក្នុងនោះលំបាកបំផុតគឺប្រាកដជា Leo Messi”។
បន្ថែមពីនេះ កីឡាករហូឡង់ក៏សង្កត់ធ្ងន់ថាខ្លួនស្រលាញ់អាវលេខ ១០ របស់ Messi ដោយប្រសិនណាខ្លួនមិនលេងតំណែងការពារ ម្ល៉ោះជ្រើសរើសយកអាវលេខ ១០ ហើយ។
រំឭកថាអ្នកទាំងពីរធ្លាប់បានជួបគ្នាកាលពីនៅ UCL វគ្គ ៤ ក្រុមចុងក្រោយរដូវកាលចាស់ ដោយកាលនោះហង្សបង្កើតឱកាសវាយបកនៅជើងទី ២ ធ្វើឲ្យពិភពលោកមានការភ្ញាក់ផ្អើលជាខ្លាំង។ ដោយឡែកការតតាំងរវាង Van Dijk និង Messi ទាំងជើងទី ១&២ ក្តី ក៏ជាប្រធានបទដ៏ក្តៅគគុកមួយផងដែរ៕
ប្រភព៖ BeSoccer