ក្រុម Chelsea មានបំណងចង់យកអ្នកចាំទី Neuer របស់ក្រុម Bayern Munich មករួមក្រុម ក្រោយពីរូបគេបានបដិសេធមិនព្រមបន្ដកុងត្រាថ្មី។
កាលពីពេលថ្មីៗនេះ Neuer បានបដិសេធកុងត្រាថ្មីជាមួយក្រុម Bayern Munich ទៅហើយ។កត្តាមិនព្រមបន្ដនេះហើយ បានជាក្រុម Chelsea ក្រោមការដឹកនាំរបស់លោក Lampard ជឿជាក់ថានឹងមានឱកាសក្នុងការជជែកជាមួយអ្នកចាំទីដៃស្អិតជម្រើសជាតិអាល្លឺម៉ង់នេះមិនខាន។ Lampard រំពឹងថាប្រសិនបើបានកីឡាករវ័យជ្រេនេះមករួមក្រុមមែន នោះលោកអាចនឹងបញ្ចេញ Kepa បានហើយនៅរដូវកាលដោះដូរកីឡាករខាងមុខ។
ប្រភពនៅអាល្លឺម៉ង់បានបញ្ជាក់មូលហេតុដែលធ្វើឱ្យការចរចាកុងត្រាថ្មីរបស់ Neuer បរាជ័យ។ ដោយក្លឹបចង់បន្ដឱ្យដល់ឆ្នាំ២០២៣ ប៉ុន្តែសាមីខ្លួនចង់បានវែងជាងនេះទៀត ដល់ឆ្នាំ២០២៥ឯណោះ៕ប្រភព Dailymail