“ស្តេច​បាល់ទាត់​គឺ Ronaldo Nazario តែ​ពេល​នេះ​មាន​អ្នក​ល្អ​ជាង​ហ្នឹង​ទៀត” – Antonio Cassano

អតីត​ខ្សែ​ប្រយុទ្ធ​នៅ​ក្លឹប Real Madrid លោក Antonio Cassano បាន​ចុច​ឈ្មោះ​អតីត​មិត្ត​រួម​ក្រុម​របស់​ខ្លួន​កាល​ពី​ធ្លាប់​ប្រលូក​រួម​គ្នា​នៅ​ទឹកដី Estadio Santiago Bernabeu គឺ​ Ronaldo Nazario ថា​ជា​ស្ដេច​បាល់ទាត់​ក្នុង​សកលលោក។

លោក Antonio បាន​សរសើរ​ដល់​គ្រា​មួយ​ដែល Ronaldo Nazario ធ្លាប់​ជួយ​ Madrid យ៉ាង​លេចធ្លោ​បំផុត តែ​សម្តី​មួយ​ឃ្លា​ចុង​ក្រោយ​បែរ​ជា​សរសើរ​ដល់ Lionel Messi ថា​នៅ​រយៈ​ពេល​បន្ទាប់​គឺ M10 ​ស្ថិត​នៅ​កម្រិត​ខ្ពស់​ជាង Ronaldo ​ប្រេស៊ីល​ទៅ​ទៀត។

លោក​និយាយ​ប្រាប់ Cds ថា៖ “កាល​គ្រា​មួយ​នោះ​យើង​ចាញ់ ១-០ ក្នុង​ដី ​ហើយ​ពេល​នៅ​បន្ទប់​ផ្លាស់​សម្លៀក​បំពាក់​អ្នកចាត់ការ​បម្រុង​នឹង​ចង់​ដាក់ Ruud Van Nistelrooy ឲ្យ​ចូល​លេង​ជំនួស តែ Ronaldo [Nazario] គេ​និយាយ​កាត់​ភ្លែត​ថា​អត់​ទេ បើ ១៥ នាទី ខ្ញុំ​រក​មិន​បាន ២ គ្រាប់​លោក​អាច​ប្តូរ​ខ្ញុំ​បាន លុះ​១៥ នាទី​ក្រោយ​មក​លទ្ធផល ២-១ ជា​គ្រាប់​បាល់​កើត​ចេញ​ពី Ronaldo ទាំង​ពីរ”។

លោក​បន្ថែម​ថា៖ “បើ​កាល​នោះ​ឲ្យ​និយាយ​ពី​ស្តេច​បាល់ទាត់ នោះ​គឺ Ronaldo តែ​ក្រោយ​មក​ទើប​ខ្ញុំ​រក​ឃើញ​ថា Lionel Messi គឺ​នៅ​កម្រិត​ខ្ពស់​ជាង​គាត់”៕ ប្រភព៖ AF

ភ្ជាប់ទំនាក់ទំនងជាមួយ CTS SPORT