ទន្ទឹមនឹងការផ្អាកការប្រកួត ដោយមិនទាន់ដឹងកាលបរិច្ឆេទវិលត្រលប់ច្បាស់លាស់ សឹងតែអាចនិយាយថាពេញមួយរដូវកាលនេះ គ្មានវត្តមាន Paul Pogba លើទីលានប្រកួតទៅហើយ។
បើតាមរបាយការណ៍ពី CIES បានចុះផ្សាយថាតម្លៃខ្លួនរបស់ Paul នឹងធ្លាក់ចុះប្រមាណ ២៨ ភាគរយបន្ថែមទៀតនៅទីផ្សារដោះដូររដូវក្តៅ ឆ្លើយតបនឹងបញ្ហាវឹកវរនៃវីរុស COVID-19។ មកទល់បច្ចុប្បន្នខ្សែបម្រើសញ្ជាតិបារាំងឈរនៅតម្លៃខ្លួនត្រឹម ៦៥ លានអឺរ៉ូ ប៉ុន្តែនៅរដូវក្តៅនឹងធ្លាក់មកឈរត្រឹម ៣៥ លានអឺរ៉ូតែប៉ុណ្ណោះ។
នេះមិនមែនប៉ះពាល់តែ Paul ម្នាក់នោះទេ ទៀតសោតបណ្តាកីឡាករសឹងតែទាំងអស់នៅលីគទាំង ៥ តាមប្រភពពី CIES សង្កត់ធ្ងន់ថានឹងធ្លាក់ចុះប្រមាណ ៣៨ ភាគរយ ដោយសារតែការញាំញីនៃវីរុស COVID-19 ធ្វើឲ្យកត្តាអាយុ កុងត្រា ការបង្ហាញទម្រង់លេងលើទីលានសុទ្ធតែបានរងផលប៉ះពាល់ទាំងស្រុង៕
ប្រភព៖ AF