Eduardo Camavinga ជាកីឡាករវ័យក្មេង ដែលក្រុម Real Madrid កំពុងតាមមើលយ៉ាងខ្លាំង ព្រោះសមត្ថភាពដ៏លេចធ្លោរបស់គេ។
ខ្សែបម្រើរបស់ក្រុម Rennes កំពុងល្បីឈ្មោះខ្លាំង ក្រោយពីលេងបានយ៉ាងល្អ ត្រឹមវ័យ១៧ឆ្នាំនេះ។ កីឡាករដែលគេហៅក្រៅថា Pogba ថ្មីរូបនេះ ត្រូវបានក្លឹបជាច្រើននៅអឺរ៉ុបមើលឃើញ ហើយក្រុម Real Madrid ក៏ស្ថិតក្នុងចំណោមនោះដែរ។ ក្រុមរបស់លោក Zidane មើលឃើញថា Camavinga នេះ អាចមកលេងតំបន់របស់ Casemiro បាននៅពេលអនាគត ប្រសិនបើទិញបានពិតជាល្អខ្លាំង។
យ៉ាងណាមិញនៅត្រឹមវ័យនេះ រូបគេនៅសល់កុងត្រាជាមួយក្រុម Rennes រហូតដល់ឆ្នាំ២០២២ឯណោះ។ ខណៈដែលតម្លៃខ្លួនវិញ គឺ៨០លានអឺរ៉ូទៅហើយ។ តម្លៃនេះ ទើបបានជាក្លឹបជាច្រើននៅរុញរានៅឡើយ មិនទាន់ហានសម្រេចចិត្តថាយកឬមិនយកនោះទេ។ តែសម្រាប់ Real Madrid វិញ ហាក់ដូចជាមានភាគរយខ្ពស់ជាងគេទៅហើយ៕ប្រភព Marca
