ក្រុម Real Madrid ទំនងជាយកខ្សែបម្រើប្រយុទ្ធ Odegaard ត្រលប់មករួមក្រុមវិញនៅពេលរដូវកាលដោះដូរកីឡាករបើកនាពេលខាងមុខនេះ។Odegaard ត្រូវបានក្លឹប Real Sociedad ខ្ចីជើងក្នុងកុងត្រារយៈពេល២ឆ្នាំកាលពីរដូវក្ដៅមុននេះ។ ការលេងនៅក្លឹបនេះ រូបគេពិតជាធ្វើបានល្អមែនទែន ដោយចូលលេង២៨ប្រកួត រកបាន៧គ្រាប់ និងបញ្ជូនបាល់ឱ្យមិត្តរួមក្រុមបានជាច្រើនគ្រាប់ទៀត។ ទម្រង់លេងយ៉ាងល្អនេះហើយ ទើបបានជាក្រុម Real Madrid សម្លឹងឃើញ ហើយអាចនឹងយកមកវិញដើម្បីជំនួសកន្លែងរបស់ Luka Modric ដែលមានវ័យកាន់តែជ្រេទៅហើយ។
មួយវិញទៀតអ្វីដែលតម្រូវឱ្យក្រុមអធិរាជស ចង់យកកីឡាករខ្ចីជើងត្រលប់មកវិញនោះ គឺដោយសារតែបច្ចុប្បន្នបញ្ហា Covid-19 បានធ្វើឱ្យក្លឹបបាល់ទាត់នានាកាត់បន្ថយចំណាយយ៉ាងច្រើន។ ដូច្នេះហើយនៅទីផ្សារដោះដូរខាងមុខ ចង់ឬមិនចង់ ពួកគេនឹងមិនចំណាយប្រាក់ច្រើន ដើម្បីទិញដូរកីឡាករថ្មីទៀតនោះទេ៕
ប្រភព៖DailyMail