លោក Aleksander Ceferin ប្រធាន UEFA បាននិយាយថាការប្រកួតបាល់ទាត់នារដូវកាលនេះអាចនឹងឆាចោលហើយ ប្រសិនបើលីគមិនអាចដំណើរការបាន និងបញ្ចប់នៅត្រឹមចុងខែមិថុនាខាងមុខ។លីគធំៗនៅអឺរ៉ុបបានផ្អាកទាំងអស់ ក្រោយពីមេរោគ Covid-19 វាយលុកខ្លាំង ដោយសូម្បីតែព្រឹត្តិការណ៍ Euro 2020 ក៏ត្រូវលើកពេលទៅធ្វើនៅឆ្នាំក្រោយដែរ។ លោក Ceferin បាននិយាយថាលីគបាល់ទាត់ទាំងអស់គួរតែដំណើរការឡើងវិញ ហើយអាចលេងដោយបិទទ្វាទៅ។ ប្រសិនបើមិនដូច្នេះទេ រដូវកាលនេះអាចនឹងឆាចោលតែម្ដង។
យ៉ាងណាក៏ដោយ លោក Ceferin បាននិយាយថាវាពិតជាពិបាកក្នុងការលេងបាល់ទាត់ដោយបិទទ្វាមិនឱ្យអ្នកទស្សនាចូលមើល។ ខណៈដែលក្លឹបជាច្រើនក៏មិនព្រម លេងដោយបិទទ្វាបែបនេះដែរ ត្បិតអីកីឡាករមួយចំនួនក៏បារម្ភពីសុវត្ថិភាពរបស់ខ្លួនដែរ៕
ប្រភព៖ BBC