ខ្សែបម្រើស្លាប Hudson-Odoi ត្រូវបានគេដឹងថាបានជាសះស្បើយពីមេរោគ Covid-19 មែនទែនហើយ ក្រោយពីរូបគេឆ្លងមេរោគកាលពីសប្ដាហ៍កន្លងទៅនេះ ។
កីឡាករអង់គ្លេសវ័យ១៩ឆ្នាំនេះ បានក្លាយជាកីឡាករនៅ Premier League ដំបូងគេ ដែលឆ្លងមេរោគ Covid-19 កាលពីដើមខែមីនាឆ្នាំ២០២០កន្លងទៅនេះ។ លោក Lampard ដែលជាអ្នកចាត់ការក្រុម Chelsea បាននិយាយថាលោកតាមដានស្ថានភាពជំងឺរបស់កូនក្រុមខ្លួនជានិច្ច។ សប្ដាហ៍ដំបូងដែលគេឆ្លងរោគ គឺស្ថានភាពមិនល្អទេ រូបគេពិបាកដកដង្ហើមបន្ដិច ប៉ុន្តែក្រោយពីព្យាបាលមក ក៏ធូរស្បើយឡើងវិញ។ ដោយពេលនេះ រូបគេបានជាសះស្បើយពេញលេញហើយ។
រំលឹកថាបាល់ទាត់អង់គ្លេស បានផ្អាកតាំងពីថ្ងៃទី១៣កន្លងទៅ ក្រោយពីអង់គ្លេសមានអ្នកឆ្លងកាន់តែច្រើនឡើង។ កាលវិភាគថ្មីនៅមិនទាន់កំណត់បាននោះទេ៕ប្រភព៖ BBC