សមាគមកីឡាបាល់ទាត់ថៃ (FAT)បានប្រកាសថាការប្រកួតក្នុងលីគកំពូលថៃនឹងនត្រូវលេងឡើងវិញរហូតដល់ថ្ងៃទី០២ខែឧសភាឆ្នាំ២០២០ខណៈពេលនេះមិនអាចលេងបានទេ ដោយសារការរីករាលដាល នៃ Covid-19 មិនធូស្រាលសោះ។
កាលពីដើមខែមីនា FAT បានសំរេចពន្យារពេលរាល់ការប្រកួតក្នុងស្រុកទាំងអស់នៅប្រទេសថៃរហូតដល់ថ្ងៃទី ១៨ ខែមេសាដោយសារស្ថានភាពជំងឺឆ្លងវីរុសនេះប៉ុន្តែពេលនេះបានសំរេចពន្យារពេលការផ្អាកការប្រកួតដែលឆ្លងកាត់រយៈពេល ៤៥ ថ្ងៃបន្តទៀត។នៅក្នុងសេចក្តីថ្លែងការណ៍មួយ FAT បាននិយាយថា៖
“ ដោយសារតែការព្រួយបារម្ភចំពោះសុខភាពរបស់អត្តពលិក គ្រូបង្វឹក មន្ត្រី និងបុគ្គលិកដែលពាក់ព័ន្ធ ដោយសារតែបទបញ្ជាបន្ទាន់ ដែលចេញដោយរដ្ឋាភិបាលប្រទេស FAT បានសម្រេចចិត្តពន្យារពេលការប្រកួតម្តងទៀត” ។
“Thai League 1 ឥឡូវនេះនឹងដំណើរការរហូតដល់ថ្ងៃទី ២៤ ខែតុលាតាមកាលវិភាគថ្មីខណៈ Thai League 2 នឹងត្រូវធ្វើឡើងរហូតដល់ថ្ងៃទី ២៥ ខែតុលា។ការប្រកួតដណ្តើមពានរង្វាន់ Thai Thai Cup ជុំទី ១ ឆ្នាំ ២០២០ នឹងត្រូវធ្វើឡើងនៅថ្ងៃទី ៦ ខែឧសភា ខណៈការប្រកួតចុងក្រោយនឹងត្រូវធ្វើឡើងនៅថ្ងៃទី ៣១ ខែតុលា។
ចំណែកឯការប្រកួតលីគកំពូលថៃឆ្នាំ ២០២០ នឹងចាប់ផ្តើមនៅថ្ងៃទី ២០ ខែឧសភាដោយវគ្គផ្តាច់ព្រ័ត្រគ្រោងនៅថ្ងៃទី ២៧ ខែកញ្ញា។ FAT ក៏បានបន្ថែមទៀតថាខ្លួននឹងទាក់ទងកាលវិភាគថ្មីប្រសិនបើមានការផ្លាស់ប្តូរបន្ថែមទៀតចំពោះការសម្រេចចិត្តនេះ៕