ក្លឹបបិសាចក្រហម Man Utd ត្រូវបានគេរាយការណ៍ថាបានត្រៀមអាវលេខ ៧ សម្រាប់កីឡាករ Jadon Sancho រួចជាស្រេច ប្រសិនណាយុវជនវ័យ ២០ ឆ្នាំលេងឲ្យ Dortmund រូបនេះ ព្រមព្រៀងការផ្ទេរមកចូលរួមនៅទឹកដី Old Trafford។
Sancho បានបាត់បង់ឱកាសបន្តលេងនៅ UCL ហើយ ក្រោយធ្លាក់ក្រោមថ្វីជើង PSG ដោយឡែកសម្រាប់បិសាចប្រសិនមានឱកាសកក់កៅអីលេងពានរង្វាន់អឺរ៉ុបរដូវកាលក្រោយ នោះក៏ជាភាគរយអាចបញ្ចុះបញ្ចូលឲ្យខ្សែប្រយុទ្ធអង់គ្លេសផ្ទេរមកជាក់ជាពុំខាន។
តាមតម្លៃខ្លួន ១២០ លានផោន មានប្រភពជាច្រើនជឿជាក់ថា United ត្រៀមរួចរាល់ហើយ ដោយគ្មានការស្ទាក់ស្ទើរអ្វីទាំងអស់ នៅឡើយតែការសម្រេចចិត្តរបស់សាមីខ្លួនតែប៉ុណ្ណោះ។
រំឭកថាអាវលេខ ៧ កាលពីដើមឡើយជារបស់ Alexis Sanchez ប៉ុន្តែបើ Sancho មក United នឹងព្រមដកលេខពិសេសនេះចេញពីកីឡាករឈីលីឲ្យមករូបគេវិញ។ ក្រៅពី United ក៏ល្ហិចល្ហៀងថាមាន Chelsea តាមសម្លឹង Sancho មិនដាក់ភ្នែកផងដែរ៕
ប្រភព៖ Metro