មកទល់ពេលបច្ចុប្បន្ននេះ ទាក់ទិននឹងកាលបរិច្ឆេទទីផ្សារដោះដូរ ដែលជាធម្មតាបើកទ្វារនៅថ្ងៃទី ១ កក្កដា រាប់ចូលជាទីផ្សារដោះដូររដូវក្តៅ ក៏មិនប្រាកដថានឹងអូសបន្លាយពេលយូរជាងមុនឬកំណត់ត្រឹមពេលវេលាបែបណាទេ ស្របពេលរដូវកាលប្រកួតដែលលើកពេលក៏មិនទាន់សម្រេចបញ្ចប់ពេលណាជាក់លាក់ផងនោះ។
ដោយឡែកសម្រាប់ក្លឹប Real Madrid ចម្លើយនៃការជ្រើសរើសរវាង Kylian Mbappe ឬ Erling Haaland គឺជាប្រធានបទដ៏ក្តៅគគុកមួយសម្រាប់មិត្តអ្នកគាំទ្រវិស័យកីឡាបាល់ទាត់។
តម្លៃរបស់អ្នកទាំងពីរគឺខុសគ្នា ១ ទ្វេជា ៣ ឯណោះ ដោយ Mbappe ថ្លៃមិនក្រោម ២០០ លានអឺរ៉ូឡើយ រីឯ Haaland ថ្លៃត្រឹម ៧៥ លានអឺរ៉ូ។ មើលស្ថិតិគ្រាប់បាល់បច្ចុប្បន្ន Haaland រកបាន ៤០ គ្រាប់ និង Assist ៩ លើក ទាំងក្នុងនិងក្រៅក្របខ័ណ្ឌ (ក្លឹបចាស់ថ្មី) នៅ ៣៣ ប្រកួតសរុប ចំណែកឯ Mbappe រកបាន ៣០ គ្រាប់និង Assist ១៧ លើក នៅ ៣៣ ប្រកួតសរុបដូចគ្នា។
តើអ្នកគិតថា Real Madrid គួរជ្រើសរើសយក Mbappe ឬ Haaland នៅការចរចារដូវក្តៅខាងមុខ?