Ferdinand ថា​បើ Spurs មិន​ឲ្យ Kane មក ManU អ៊ីចឹង​ក្លឹប​គួរ​លៃលក​ខ្សែ​ប្រយុទ្ធ​រូប​នេះ​វិញ

Rio Ferdinand បាន​បង្ហាញ​ការ​យល់​ឃើញ​ថា Harry Kane នឹង​គ្មាន​ថ្ងៃ​អាច​ដើរ​ចូល​ទឹកដី Old Trafford បាន​នោះ​ទេ ដរាប​ណា​លោក Jose Mourinho កំពុង​កាន់​តំណែង​ជា​អ្នកចាត់ការ​នៅ​ក្លឹប Tottenham ហើយ​លោក​បាន​ណែនាំ​ឲ្យ United គួរ​សម្លឹង​រ៉ាដា​ថ្មី​មួយ​ផ្សេង​ទៀត។

បញ្ជាក់​តាម​រយៈ​វីដេអូ​លើ Instagram អតីត​វីរបុរស​ Man Utd រូប​នេះ​ប្រាប់​ថា៖ “សម្រាប់​ខ្ញុំ​តើ​គួរ​យក Harry Kane ឬ​អត់ ខ្ញុំ​ប្រាកដ​ជា​ថា​យក ព្រោះ​រឿង​ការ​រក​គ្រាប់​បាល់​គឺ​គេ​ដឹង​តែ​ធានា​ធ្វើ​បាន​ហើយ ប៉ុន្តែ​ខ្ញុំ​មិនមើល​ឃើញ​ថា Spurs ព្រម​ឲ្យ​គេ​ចាកចេញ​ទេ ជា​ពិសេស​ពេល Mourinho នៅ​ទី​នោះ លោក​នឹង​មិន​ព្រម​ឲ្យ Kane មក Man Utd ឡើយ”។

លោក​បន្ថែម៖ “ខ្ញុំ​នឹង​ជ្រើស​យក Sancho មក​ Man Utd វិញ ដោយ​គេ​ជា​កីឡាករ​ល្អ ពោរពេញ​ដោយ​ឥទ្ធិពល គេ​វាងវៃ ខ្ញុំ​នឹង​យក Sancho ឥឡូវ​នេះ”។

រំឭក​ថា​ថ្ងៃ​ទី ២៥ មិនា នេះ Sancho បាន​រំកិល​អាយុ​មក​ដល់ ២០ ឆ្នាំ​ហើយ ដោយ​ឡែក​សម្រាប់​រដូវ​កាល ២០១៩/២០ ខ្សែ​ប្រយុទ្ធ​ឲ្យ Dortmund ​រក​បាន ១៤ គ្រាប់​និង Assist ១៥ លើក​នៅ ២៣ ប្រកួត​សរុប​ឲ្យ​ក្លឹប​ក្រមុំ​លឿង៕

ប្រភព៖ FoxSportAsia

ភ្ជាប់ទំនាក់ទំនងជាមួយ CTS SPORT
  • អត្ថបទថ្មី