Maxime Mbanda កីឡាករបាល់ឱបរបស់អ៊ីតាលី បានសម្រេចចិត្តទៅធ្វើជាអ្នកជួយបើកឡានពេទ្យដល់ក្រុមគ្រូពេទ្យដឹកអ្នកជំងឺ Covid-19 ដើម្បីជាការជួយសង្គម។អ៊ីតាលី ជាប្រទេសរងគ្រោះខ្លាំងជាងគេដោយមេរោគ Covid-19 ដោយបច្ចុប្បន្នមានអ្នកស្លាប់ច្រើនមែនទែន លើសប្រទេសចិនទៅទៀត។ ព្រឹត្តិការណ៍ទាំងអស់នៅក្នុងប្រទេសនេះត្រូវបានផ្អាក រួមទាំងការប្រកួតបាល់ឱបផងដែរ។ ការផ្អាកនេះហើយ បានធ្វើឱ្យ Mbanda ដែលជាកីឡាករម្នាក់ សម្រេចចិត្តមិនសម្ងំសុខនៅផ្ទះនោះទេ។
លោកបានសម្រេចចិត្តទៅជួយបើកឡានពេទ្យក្នុងមន្ទីរពេទ្យមួយកន្លែង ដើម្បីជាការជួយដល់ប្រទេសកំណើតខ្លួនប្រយុទ្ធប្រឆាំងជាមួយមេរោគឆ្លងនេះ។ Mbanda ត្រូវបានគេដឹងថាធ្វើការ១៣ម៉ោងឯណោះក្នុងមួយថ្ងៃ ដើម្បីដឹកអ្នកជំងឺផ្សេងៗ៕
ប្រភព៖ DailyMail